CCCXVII.

1418, Juni 21. Prag.

König Wenzel nimmt das Kloster und dessen Unterthanen in seinen besonderen Schutz.

Wenceslaus dei gracia Romanorum rex semper augustus et Boemie rex nobilibus . . capitaneis necnon famosis homagialibus et clientibus districtuum Glacensis et Frankensteinensis ac magistris civium, iudicibus, consulibus et iuratis Glacensis et Frankensteinensis civitatum, fidelibus nostris dilectis, graciam regiam et omne bonum. Fideles dilectii, quia religiosos . . abbatem et conventum monasterii Camencz ordinis Cisterciensis Wratislaviensis dyocesis cum universis et singulis bonis monasterii sub alis nostre proteccionis assu(m)psimus dudum temporibus retroactis, prout id ipsum in aliis nostre maiestatis litteris ac eciam serenissimi quondam principis domini Karoli Romanorum imperatoris, domini et genitoris nostri carissimi litteris, qui ipsos eciam in suam tuicionem et proteccionem specialem recepit, plenius est expressum. Idcirco fidelitati vestri precipimus et seriose mandamus, quatenus adversus quoslibet homines, qui in bonis sive villis dicti monasterii, puta Byczan, Nussyn, Rychonow, Schrom et Wolframdorff seu hominibus inibi manentibus aliquam violenciam, gravamen aut molestiam fecerint, iuxta ipsius abbatis aut eius, qui suo aut monasterii sui nomine super talibus conquesti fuerint, faciatis iusticiam dilacione aut contradiccione quibuslibet procul motis, nullam in hoc sub obtentu nostre gracie negligenciam comissuri. Datum Prage die XXI. Juni regnorum nostrorum anno Boemie LVI° Romani vero XLII°.
Ad relationem Heinrici Wrat. capitanei Johannes Weilberg decretorum doctor.

Gleichzeitige Abschrift auf Papier.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 10, Urkunden des Kloster Kamenz. Hrsg von Dr Paul Pfotenhauer, Breslau 1881.